2月29日，脫獨好日！

2月29日，好特別既一日，四年先一次。

但你地仲知唔知今日仲係個咩日子呢？？

登登登登！就係「女性表白日」啦！呢一日女性可以向男性表白，而且原則上係要求男性一定要應承，否則男性就要俾女性「傷心補償費」架啦。

有人話呢個咁既節日不過係網友惡搞誤傳，不過原來係有歷史根據架。話說係 1288 年既蘇格蘭，當時確定左 2月29日為「婦女權利日」，瑪格麗特女王頒布法令，宣佈係閏年的2月29日，女性可以向男性求婚，並對個 d 隨便追求女性，又拒絕接受警告既男性施行罰款制。係呢日，拒絕求愛者既男性要俾1英鎊女性，作為象徵性既「贖免費」，或者向求愛失敗既「女方」贈送綢緞衣服。

想脫獨既女生不妨趁今日同心儀既男生表白，成功就最好啦，唔成功都可以同佢講話「同你玩下姐，不過記得補償我啊！」不過做男仔既，遇到唔鍾意既女仔同自己表白，千祈唔好為左唔想尷尬而俾假希望人啊，假希望比真相更醜陋更傷人呢！

人要灑脫，獨要快脫！

獨獨有態度

看過上面的照片，有沒有勾起你過去那一段「老土」得難以形容的成長回憶？我還記得自己為參加越野長跑而剃光頭那段日子，很多朋友「關心」我是否得了癌症，我只好笑而不語。



人一天一天成長，如果想要改變形象，你便要懂得追逐潮流，多看時裝雜誌，在街上研究一下別人怎樣穿得好看；要改變身型，街上減肥、健身的專業指導也不少；要討異性的歡迎，便要懂得細心觀察對方的興趣，多花點心思，多做手工，送出的禮物自然更讓對方感動。外表上的問題，其實下點功夫已不難解決。



上回LazyMan版主分享過脫毒首要改善造型，今回由我來分享一下脫獨應有的態度。無論你是未曾戀過還是剛失戀，請緊記成為一個好情人不是朝夕的事，不要等到對象出現了才來提升自已。

曾經有朋友愛上了一位女孩，女孩喜歡會彈琴的男生，我的朋友馬上學彈琴去，結果那女孩卻被別個不懂彈琴的男生追走。又有一位女性朋友，喜歡上了一位愛打羽毛球的男孩子，為了親近那個男孩而學打羽毛球，結果弄傷了腿，那男孩卻在校際羽毛球比賽中愛上了鄰校的女子羽毛球隊員。故事告訴我們，愛情並不歡迎臨急抱佛腳的人。



單身的朋友時常時跟我說：「我要減肥！」我心想：「自求多福吧！」我並不歧視肥胖的人，只是在世俗眼光中，肥胖並不是追求愛情的其中一項優勢。有健康的身形，良好的習慣，多元化的技能，在追求愛情方面已有很多優勢，而這些優勢都是平時積累而來，而不是臨陣磨槍。在等待愛情或尋覓愛情的時間中，請努力提升自已，多學習不同的技能，堅持這種態度，一來可以排解等待的寂寞，二來當愛情來到你已滿有吸引力了。



又有些朋友問我怎樣找到改變的方向？還記得《獨不可耐》第二集發放的影片嗎？知已知彼，方能百戰百勝。



即使我們了解到對方喜歡甚麼類型，也不一定要完全改變自己。但有一些特質如溫柔、細心、成熟等，並不是為了談戀愛時才去學習，而是人與人建立關系的必需。人與人關係的建立是由很多不同性格特質組合，不願意學習好的性格，不但會「獨身」，更隨時變成「孤獨」。



話題好像扯得有點遠，我想表達的是，若你想要脫獨，不但要注重外表，也要注重內在，更須在平常積極裝備自已。以下再送各位版主的照片。

變變變生命力之lazy脫殼

自上集〈獨由身生〉出街後，我地脫獨五星都有感脫獨之苦應與大眾deep down咁分享，所以唻緊五集會由我地五星各自盡訴心中情~~XD 今集由我Lazyman率先同大家分享~^^

Omg~我的進化歷程=="

        阿豬媽話：「肥=可愛！人大左，個人就會拉長，會收返D肥膏呀、水腫架喇……（下刪三百字）」當初我真係信以為真架！點知阿豬媽呃我……T_T 我十四、五歲時仲信緊佢，咁就出左事啦~~~條腰直逼３０寸 ，果時先心知不妙~~(⊙▽⊙") 心諗死梗啦，實無人要喇！
        

果時以為「一子錯，滿盤皆落索」所以開始自暴自棄。個人開始變得邋遢，一如上集 〈獨由身生〉 中見到超out dated嘅眼鏡咄Look！由9唔撘8長頭髮，到圓菇轆冬菇頭全部都係獨的致命傷……唉~~當身邊嘅朋友仔一個一個咁拍拖，你話一D都唔擔心就假嘅！咁咪唯有暗暗改造自已囉 ╮（╯＿╰）╭ 

        幾年前，肥都減到小小嘅，可惜個look就取錯經兼拜錯山，以為時興，點知就娘炳！搞左個嬋爆鬈鬈頭出唻，依家睇返D相真係想搵窿捐呀陰公~ 好彩！知恥近乎勇，話哂遲D出唻返工，造型好緊要架嘛~~~ 所以就膽粗粗買左一堆日本雜誌，有理無理跟左風先算！當然紙上談兵係唔得嘅，實戰先係最重要。Window shopping都算啦，入潮店買衫，扮哂順便咁問埋sales姐姐點襯先好睇至係最最最需要勇氣。當然偷師係要交學費嘅，無計！

        唉……個人唻講，個頭先係最大鑊！面圓，天生嘅 ，無得搞！除非去整容，可惜怕痛……無奈放棄。所以頭髮就會係重心處理嘅問題！為左靚，為左脫獨，決定放棄樓下幾十蚊洗剪恤，深入潮人聖地幾百蚊剪個頭！依~~~又真係零舍不同喎！

       經過血與淚洗禮，依家……唔……都算改造得唔錯啦~~ 算唔得上顛倒眾生，起碼唔會嚇壞丫人 (*^。^*) 有云「人靠衣裝，佛靠金裝」所以話衣著真係提升魅力嘅一大因素！！當然改造唔少得嘅係萬惡嘅金錢，至於幾多就豐斂由人喇~~其他嘅就要自已依個人特色再自行摸索喇~~


而本小姐就憑著上圖左下角張相個樣，呃左個無知少男返唻，所以話，獨真係不宜很耐架！年少多好呢~~嘿嘿!

以上經歷與獨ing+脫獨ing+曾經滄海嘅你共勉~~^^

獨由身生

「古語」有云：「你的樣子如何，你的日子也必如何」~~

細細個嘅時候，個個都係「俊」男「美」女~~  著咩衫、剪咩頭，又有咩所謂喎？反正個個都係「吸」個碗，剪個中間分界，著件美少女戰士、超人迪加套裝咁上下啦。

但人愈大就愈想變靚，睇返細個嘅相，簡直不堪入目，真係有撕爛哂D相嘅衝動！！！！！然後個個無所不用其極地進化，但又唔知點解，進化嘅過程又總有凸槌、出錯嘅時候，簡單黎講，咪就係無嗰整嗰樣，咁咪錯哂囉=_=" 就好似我地獨由身生嘅5位主角咁……由光頭到爆炸頭，由out爆金絲眼鏡到走在時代尖啄嘅小雲眼鏡，真係應有盡有......Oh No！好彩！都總算救得返~~~

唔講喇！去片啦！





睇完〈獨由身生〉，唔知有無勾起大家對那些年進化前或者進化中嘅痛苦回憶呢？緊接幾日都會有〈獨由身生〉嘅主角同大家現身說法，解開佢地各人的脫獨苦楚！


請大家拭目以待喇~~^^

越獨有方

「今晚我愛的人　在散心

可惜我太不幸　沒有份

如果佳節不能　和情人擁吻

情願這晚快過　快熄燈..... 」

唔想獨身，但仲獨身兼要面嘅你，面臨情人節依個年度大敵，應該如何是好？

Facebook打假卡、開多個Account扮男友留comment、熄電話都係 唔錯嘅選擇，無咁「行」嘅就自製2份心形牛排扮同愛人玩煮飯仔、又或者懶得黎又唔怕「火羅」嘅，可以1個人去餐廳set 2個人嘅餐具食個靚靚情人節套餐up相上Facebook炫耀下都係唔錯嘅方法！

當然仲有林林種種經典、non經典嘅「橋」比獨身嘅你參考啦XD

獨心神探‧二

只係了解獨獨原因又豈可脫獨呢！你真係「Kai Wan Xiao」！仲要知己知彼！咁先至有百戰百勝嘅可能嘛^^ 話時話，唔問都唔知，時下男女嘅擇偶條件真係非一般咁......哈！唔講啦，都係自己睇片啦你！唔想獨，就「的」起心肝對症下藥兼自我增值下喇~~~

獨心神探‧一

徐志摩話齋：「你有你的，我有我的方向」，獨身從來唔係罪過，但獨身人仕嘅內心獨白你又知道幾多丫！因為學業嘅、事業嘅、家人嘅、無膽嘅、緣份嘅......真係水蛇春咁長!男又好，女又好，原來佢哋都有N個獨身嘅理由!@@只係佢哋唔會咁輕易話你知啫~~




我哋《獨不可耐》就由獨嘅理由開始，為你解開各種獨嘅迷團！去片~