尾女牛到美女牛

自從上星期<獨由身生>出街後，再加上lazyman嘅推波助欄，我到底係咪真係整過容、響邊間整、整左幾多錢、痛唔痛、驚唔驚等問題成為左身邊不少朋友、同學、blog友心底嘅一個謎。

咁呢，其實呢，我就無整過容嘅。(謎之聲：你肯定?)

媽媽話齋，女大十八變嘛，我個樣其實同細個差唔多，都係眼(袋)大大，鼻細細，臉方方咁(再一次謎之聲：你肯定?)只不過當年年少無知，見人電鬈個頭好似好型咁就電埋一份，但又唔諗下方臉加爆炸頭成件事都會FAIL，最後搞到實驗失敗大爆炸咁，連男朋友都睇唔過眼，最後分手收場。

當然劇情需要，呢個時候嘅我應該會日日以淚洗臉，仲會不顧身世、自暴自棄、化悲憤為食量……

好在小女子無野多，最多係自信(謎之聲：睇篇名就知)，但日日見住個頭唔襯面，面又唔襯頭嘅失敗之作，實在無曬心機，加上天生貪靚，唯有的起心肝改造自己啦。首當其衝當然係髮型同衣著，呢方面，我就話豐斂由人嘅，我地版主Lazyman〈變變變生命力之lazy脫殼〉同 獨樂樂不如眾樂樂〈獨獨有態度〉都分別分享過若干心得。

今次一於分享下我少少進化心得。

我一直深信有自信嘅人總係比較Charming，莫論男女，咁到底自信除左好似寡人白響〈爆醬瀨尿牛丸之寡人白進化有感〉講嘅兩個大方向外，實際上又應該如何表現呢?由小習慣講起，有三樣~~~

1. 眼神 

我唔係梁朝偉，唔識教大家用眼神放電，亦唔係明星御用化妝師 Rick Chin，唔會教大家畫靚靚眼妝，所以我講眼神係著重於同人地嘅眼神接觸，即係對話嘅時候要望住人地嘅眼睛，如果唔想或唔敢直望人地對眼，可以望眉心，效果一樣，因為堅定而有力嘅眼神會帶俾人誠實、有自信嘅印象。

2. 笑容 

英國兩性研究作家ANDREW TREES《解密愛情》指出平均會笑35次嘅女性比只係外表美麗嘅女性更具吸引力，因為研究指出，一個原本被認為唔吸引嘅人如果展現笑容，其他人可能會轉而認為頗為吸引。呢層當然同自信有關，你無聽過咩，有自信嘅男/女人係最吸引人o架，所以，有整齊潔白靚牙嘅你，請儘量展露你最陽光燦爛嘅笑容，當然缺乏靚牙者微笑亦可。 

3. 步伐 

難度要大家行到好似名模咁? 

唔會啦，畢竟小女子都唔係43吋長腿(34就應該有嘅)，我所講嘅步伐重點在於要有名模步伐般表現出黎嘅果份自信，抬起頭，挺直腰背，眼望前方，唔好再一味對住電話撳撳撳喇! 

羅馬都唔係一日建成啦，何況自信? 
我就話自信自信由自己開始信，所以我經常自稱美女牛，講講下人地就會潛意識咁認為係o架喇~~ (謎之聲：同啊Q精神勝利法有咩分別?)


今日開始，昂首闊步啦!


(謎之聲：其實講到最後佢想同大家講佢好有自信= 好Charming......所以我深信佢應該無去到整容，而係去左入邪教囉)

爆醬瀨尿牛丸之寡人白進化有感

     


「自從我食左爆醬瀨尿牛丸之後，腦筋靈活左，自信心番晒黎，每次考試仲得到100分添呀!」自從筆者經歷「進化」依個過程之後，我既感覺就好似八兩金係《食神》入面激讚爆醬瀨尿牛丸一樣，所以用依句說話黎開頭係絕不為過架！

有唔少既心理學家講過，人既自信心係建基於自我形象身上，自我形象高者，自信心也隨之而高，反之亦然。而自我形象，又可以分為「外在」同「內在」。「外在」既建構，某程度係根據「人靠衣裝，佛靠金裝」依個宗旨去運行。但係，「衣裝」點先為之好呢？筆者需要好鄭重咁同大家講，「衣裝」並非以牌子行先，就算比你著到成身名牌，但又唔整潔、又唔順眼、又唔識配襯，出黎既結果只會係俾人笑你「ＭＫ」（想知咩係ＭＫ，可以去香港網絡大典查詢），完全得唔到應有既效果。如果想外在形象「進化」成功，筆者可以舉少少竅門俾大家：（一）燙衫，千萬唔好將一件好似梅菜咁「巢」既衫著上身。（二）乾淨，任何被醬料、顏料沾染而又洗唔甩既衫就唔好再著啦。（三）統一，任何著上身既衫褲鞋襪，請盡可能保持同一風格，唔好上面恤衫，下面就整條波褲。（四）顏色，著上身既顏色最好唔好多過三種。（五）size，衣服既大小應以符合身型為主，衣不稱身只會令人覺得不修篇幅。只要跟足以上幾點黎「改裝」自己，雖然未必會令你既「桃花」突飛猛進，但至少唔會被人討厭。需知，做到不被討厭已經好重要，因為所有既愛情都係「又是互望開始，分手作結的...」試想想，你會想同毒男（女）拍拖定同正常男仔（女仔）拍拖？相信法官大人都唔洗出就已經有答案。

有左正常既外在形象，都唔擔保你會「進化」成功，因為仲要照顧埋「內在」。「內在」既「進化」，筆者認為可以從兩個大方向去做，其一是情緒智商（eq），另外是思維方法。情緒智商，由以下五個元素組成：（一）知道自己的情緒（二）懂得合理表達自己（三）控制欲望衝動的自制能力（四）理解別人的感受（五）懂得建立和譛的人際關係。只要根據上述五點去改造自己，首先能提升的，必定是待人接物既態度，從而又可以加強你既「親和力」。結果，對人友善ｄ，朋友多一ｄ，戀愛既機會又大ｄ。再來，就係思維方法既訓練，目的係要令自己凡事都可以諗多幾面，而唔係單一方法去處理。咁樣做既好處，除左可以睇落ｓｍａｒｔ一ｄ之外，亦可以提供更加多既意見比自己既（準）伴侶，可靠度、信心、安全感又可以提升至另一個層次，同你身上既稚氣講８８。

「進化」既過程就好似火雞（莫文蔚）用手打牛丸一樣咁艱辛，但「進化」既回報又會像八兩金所講咁。所以，不用怕，「悟以往之不諫，知來者之可追」，請大家努力，共勉之！

                                                       
                                                          

獨獨有態度

看過上面的照片，有沒有勾起你過去那一段「老土」得難以形容的成長回憶？我還記得自己為參加越野長跑而剃光頭那段日子，很多朋友「關心」我是否得了癌症，我只好笑而不語。



人一天一天成長，如果想要改變形象，你便要懂得追逐潮流，多看時裝雜誌，在街上研究一下別人怎樣穿得好看；要改變身型，街上減肥、健身的專業指導也不少；要討異性的歡迎，便要懂得細心觀察對方的興趣，多花點心思，多做手工，送出的禮物自然更讓對方感動。外表上的問題，其實下點功夫已不難解決。



上回LazyMan版主分享過脫毒首要改善造型，今回由我來分享一下脫獨應有的態度。無論你是未曾戀過還是剛失戀，請緊記成為一個好情人不是朝夕的事，不要等到對象出現了才來提升自已。

曾經有朋友愛上了一位女孩，女孩喜歡會彈琴的男生，我的朋友馬上學彈琴去，結果那女孩卻被別個不懂彈琴的男生追走。又有一位女性朋友，喜歡上了一位愛打羽毛球的男孩子，為了親近那個男孩而學打羽毛球，結果弄傷了腿，那男孩卻在校際羽毛球比賽中愛上了鄰校的女子羽毛球隊員。故事告訴我們，愛情並不歡迎臨急抱佛腳的人。



單身的朋友時常時跟我說：「我要減肥！」我心想：「自求多福吧！」我並不歧視肥胖的人，只是在世俗眼光中，肥胖並不是追求愛情的其中一項優勢。有健康的身形，良好的習慣，多元化的技能，在追求愛情方面已有很多優勢，而這些優勢都是平時積累而來，而不是臨陣磨槍。在等待愛情或尋覓愛情的時間中，請努力提升自已，多學習不同的技能，堅持這種態度，一來可以排解等待的寂寞，二來當愛情來到你已滿有吸引力了。



又有些朋友問我怎樣找到改變的方向？還記得《獨不可耐》第二集發放的影片嗎？知已知彼，方能百戰百勝。



即使我們了解到對方喜歡甚麼類型，也不一定要完全改變自己。但有一些特質如溫柔、細心、成熟等，並不是為了談戀愛時才去學習，而是人與人建立關系的必需。人與人關係的建立是由很多不同性格特質組合，不願意學習好的性格，不但會「獨身」，更隨時變成「孤獨」。



話題好像扯得有點遠，我想表達的是，若你想要脫獨，不但要注重外表，也要注重內在，更須在平常積極裝備自已。以下再送各位版主的照片。

變變變生命力之lazy脫殼

自上集〈獨由身生〉出街後，我地脫獨五星都有感脫獨之苦應與大眾deep down咁分享，所以唻緊五集會由我地五星各自盡訴心中情~~XD 今集由我Lazyman率先同大家分享~^^

Omg~我的進化歷程=="

        阿豬媽話：「肥=可愛！人大左，個人就會拉長，會收返D肥膏呀、水腫架喇……（下刪三百字）」當初我真係信以為真架！點知阿豬媽呃我……T_T 我十四、五歲時仲信緊佢，咁就出左事啦~~~條腰直逼３０寸 ，果時先心知不妙~~(⊙▽⊙") 心諗死梗啦，實無人要喇！
        

果時以為「一子錯，滿盤皆落索」所以開始自暴自棄。個人開始變得邋遢，一如上集 〈獨由身生〉 中見到超out dated嘅眼鏡咄Look！由9唔撘8長頭髮，到圓菇轆冬菇頭全部都係獨的致命傷……唉~~當身邊嘅朋友仔一個一個咁拍拖，你話一D都唔擔心就假嘅！咁咪唯有暗暗改造自已囉 ╮（╯＿╰）╭ 

        幾年前，肥都減到小小嘅，可惜個look就取錯經兼拜錯山，以為時興，點知就娘炳！搞左個嬋爆鬈鬈頭出唻，依家睇返D相真係想搵窿捐呀陰公~ 好彩！知恥近乎勇，話哂遲D出唻返工，造型好緊要架嘛~~~ 所以就膽粗粗買左一堆日本雜誌，有理無理跟左風先算！當然紙上談兵係唔得嘅，實戰先係最重要。Window shopping都算啦，入潮店買衫，扮哂順便咁問埋sales姐姐點襯先好睇至係最最最需要勇氣。當然偷師係要交學費嘅，無計！

        唉……個人唻講，個頭先係最大鑊！面圓，天生嘅 ，無得搞！除非去整容，可惜怕痛……無奈放棄。所以頭髮就會係重心處理嘅問題！為左靚，為左脫獨，決定放棄樓下幾十蚊洗剪恤，深入潮人聖地幾百蚊剪個頭！依~~~又真係零舍不同喎！

       經過血與淚洗禮，依家……唔……都算改造得唔錯啦~~ 算唔得上顛倒眾生，起碼唔會嚇壞丫人 (*^。^*) 有云「人靠衣裝，佛靠金裝」所以話衣著真係提升魅力嘅一大因素！！當然改造唔少得嘅係萬惡嘅金錢，至於幾多就豐斂由人喇~~其他嘅就要自已依個人特色再自行摸索喇~~


而本小姐就憑著上圖左下角張相個樣，呃左個無知少男返唻，所以話，獨真係不宜很耐架！年少多好呢~~嘿嘿!

以上經歷與獨ing+脫獨ing+曾經滄海嘅你共勉~~^^

獨由身生

「古語」有云：「你的樣子如何，你的日子也必如何」~~

細細個嘅時候，個個都係「俊」男「美」女~~  著咩衫、剪咩頭，又有咩所謂喎？反正個個都係「吸」個碗，剪個中間分界，著件美少女戰士、超人迪加套裝咁上下啦。

但人愈大就愈想變靚，睇返細個嘅相，簡直不堪入目，真係有撕爛哂D相嘅衝動！！！！！然後個個無所不用其極地進化，但又唔知點解，進化嘅過程又總有凸槌、出錯嘅時候，簡單黎講，咪就係無嗰整嗰樣，咁咪錯哂囉=_=" 就好似我地獨由身生嘅5位主角咁……由光頭到爆炸頭，由out爆金絲眼鏡到走在時代尖啄嘅小雲眼鏡，真係應有盡有......Oh No！好彩！都總算救得返~~~

唔講喇！去片啦！





睇完〈獨由身生〉，唔知有無勾起大家對那些年進化前或者進化中嘅痛苦回憶呢？緊接幾日都會有〈獨由身生〉嘅主角同大家現身說法，解開佢地各人的脫獨苦楚！


請大家拭目以待喇~~^^