警訊：越「兵」攻略‧二

上一集〈越「兵」攻略‧一〉為大家披露左一眾女神（男神）四個最常見招兵手段，而今集〈越「兵」攻略‧二〉，再一次有幸請到PROFESSOR兵同特派膠區愛情總警司樂SIR同大家探討一下如何避免當兵嘅問題，好讓各位誤墮情「妄」或者身陷觀音陷阱嘅獨仔獨女，進行越「兵」脫「獨」工程。 

警訊：越「兵」攻略‧一

近日，鑑於有唔少苦主向本ＢＬＯＧ舉報，指自己響唔同情況下誤服「兵役」。為免此等有組織愛情騙案數字日增，《獨不可耐》本著「我為人人」精神，決意製作一連兩集嘅特備節目〈越「兵」攻略〉，披露一眾女神（男神）招兵手段，揭示佢地最猙獰嘅面目於人前，好等大家可以防範於未然。

召集所有當兵的人

Attention Please!!

所有當緊兵嘅你或者準備入伍你，請停一停、諗一諗，究竟你有無出現，或者想唔想出現以下情況？










你睇到女神 嘅 命令竟然比自己生命更大更重要嘛？你難堪嘛？你累嘛？

今日，我，誠邀你發起兵變！想尋覓你嘅真愛、退伍榮歸？咁就要痴實我地《獨不可耐》教你免服兵役喇~~~

兵的種類

女神，就好似主權國一樣咁存在。國家要維護自己嘅勢力，「兵」係絕對唔可以缺少。但係，面對唔同嘅情況，一式一樣既「兵」係完全唔足以應付，所以，女神招「兵」，普遍都會招唔同既「兵種」。

而今期，我地《獨不可耐》將會請來PROFESSOR兵，向大家介紹一下各種唔同嘅「兵種」。

越「兵」指南

講完有關改善外表、造型嘅方法，今次一於講下「當兵」嘅問題，拯救誤墮情「妄」，身陷觀音陷阱嘅獨仔獨女啦！


世界上有一種男人，明知同佢無可能、明知佢唔愛自己，仲要盲目咁對佢好，我地將呢種男人泛稱為「觀音兵」[1]，而佢嘅迷戀對象稱呼為「觀音」或「女神」。



佢地一般明白自己係觀音兵，但並唔係每一個都會承認自己係兵，或者佢地都知道或者認為當兵並唔係一件光彩嘅事。

有人認為觀音兵呢個詞語過分誇大，認為所謂觀音兵只係葡萄心態嘅反映，亦有人認為觀音兵呢個詞語將一D正常追求異性嘅行為視作觀音兵嘅表現，但觀音兵並唔厭倦自己嘅職責，努力地為觀音填補時間嘅空隙、做搬運、擋駕、管接管送嘅工作，出錢出時間、任勞任怨亦在所不計，並且一般抱住「等待」嘅心態。即使觀音兵明白現階段無任何機會，但又希望或者奢望響不久嘅將來觀音會知道自己嘅好，認為終有一日可以感動觀音，有情人終成眷屬。

觀音兵發揮左一切男朋友應該做嘅義務，甚至更多更多。唔知情者會以為觀音兵係觀音男朋友，但每當有人問起觀音嘅時候，觀音都會一臉驚訝咁表示同觀音兵只係「好朋友」。


當然，劃清界線嘅時候，觀音並唔會理會企響旁邊嘅兵有幾咁不安同尷尬。


下期待續：〈兵的分類〉

---

[1]香港俚語，形容願意為所追求對象做出各種事情，並且極為順從，後來引伸至互聯網論壇等虛擬社群，多用於男性，而觀音則是被人崇拜的女性代稱。