告白Orz

1. 成群結隊


        成群結隊地公開告白，的確可以帶黎群眾壓力的收益，仲可以壯膽，但前提係必須雙方都對彼此懷有好感。但即使彼此懷有好感，告白亦永遠有被拒絕的風險，相遇太早，回頭太遲啊。


        好像說得遠了，講番正題，試聯想，響成群結隊嘅情況公開告白，然後眾目睽睽下俾意中人SAY NO 或者講句「我地只係好朋友」嘅時候，我只能同你講句很傻很天真罷。




2. 死纒難打


        最怕某類人告白得十分打不死，今日被拒，隔幾日又再表白過，難度人生真係一場不停的戰鬥?

         你嘅奪命追魂call（或短訊）只會嚇怕心上人，令心上人疏遠你，更壞的情況，係令心上人認定你纏身非常，對將來發展長久關係未必有好處，於是決定中途落車。切記，請勿死纒難打。


3. 無聊台詞

         告白呢回事，真誠永遠最緊要，有時其實唔一定需要講出口，一個眼神、一個表情、一個動作，噢，明晒。誠如版主連晉〈真人示範脫獨功夫〉話齋：「台詞，唯要切忌過份冗長，最好能控制在十五字之內，型的話，三個字亦可」。

         一切無聊台詞，懇請刪去，別因為我是中文系的就向我背「只此雙蛾眉，供得幾回盼」，呢個行為只會令我諗起電腦裡頭還有半份未完的明代散文作業，何苦?