嚴選對象!

Lazyman版主上回同大家講到尋覓對象既方法，今日一於等我同你講下揀對象嘅注意事項。

擇偶條件呢回事的確係好個人嘅，但都不外乎女嘅鍾意高大、聰明；男嘅喜歡長髮、溫柔，另有體貼細心、樂觀、上進、孝順、成熟、專一、風趣幽默、唔形響市容、具經濟基礎、識玩樂器、曉生活情趣…… (下刪100項)任君選擇，總有一款啱你。

計我話呢，揀對象唔同揀件衫，外表嘅野會折舊，生活情趣可以培養，玩唔玩樂器更加無所謂，自己聽CD咪一樣。但有幾項係必須注意嘅!

第一係互相尊重、包容；

第二係願意傾聽；

第三，純屬個人意見，男士請找個懂你的，女生請找個寵你的。

        人無完人，最後切記「你揀人、人揀你」呢個永恆法則，繼續緊貼《獨不可耐》，向自己嘅戀愛路出發啦!