向獨身說不！向12說不！

根據2010年資料統計顯示，香港嘅男女比例係100比88，換言之每100個女仔當中就有12個係好有可能搵唔到伴侶架(⊙ˍ⊙)

幻想下自己係果12個女仔係咪好驚呢?如果你仲係獨身，又有D擔心咁就要細心研究下自己究竟係以下邊類型嘅獨身女仔喇~~  

獨身類型有三種。

一. 保護型：即係Excuse型，自我催眠咁同人地，或者自己講有friend就好夠啦，又或者自命係女強人唔使愛情嘅

二. 進取型：即係會扮靚靚，或者主動出擊約男仔

三. 等運到型：即係咩都唔鬼做，認為緣份依家嘢自己會埋黎，無謂強求個隻

嗱~~小妹雖然食鹽無食米咁多，但係都知咩叫預計結果嘅！就上述三種類型嘅獨身女性，好大機會係會得出同一個結果——變成「中女」或稱「剩女」！之後一定有人問：「WHY???理論上第二種應該唔會變剩女架！」咁就錯哂喇！無錯！扮靚靚絕對係好事，之前我地嘅進化篇都有提過，但係過分主動識人就死得啦~會嚇親D男仔，或者以為你好易追到手，唔矜貴，就唔揀你架喇 〒▽〒  

但我又唔係叫你吊高黎賣，吸引男仔依家嘢就好似釣魚咁，得閒放下線，得閒收下線咁，古有諸葛亮七擒七縱收服孟獲啦，咁較進取嘅你就應該比返小小矜持，見人地有feedback，先放膽小小再溝通溝通下囉~~XP

如果你係等運到型人，就要戒左依種夢幻式小說嘅諗法喇！會害死你架！試問依個世界又邊樹有免費午餐丫！？捉魚都要買魚餌啦，更何況係搵個男朋友？你估真係會有個男仔無啦啦自己走埋黎問你可唔可以做我女朋友咩！==”至少都係咁依裝備下自己，好似我地之前進化篇咁執下個Look、調整下個態度、提高下自信，咁先會有人走埋黎認識下你嘛~愛情其實係可以造就架姐妹！！∩ˍ∩

若然你係第一類，咁你就真係要停一停、諗一諗喇！諗下究竟你真係想獨身，定係你被迫獨身，而又怕樣衰比人笑，作D藉口比人地同自己先？如果係就要小心喇！事關香港開始出現「三高」女喇！咩係「三高」女？就係高薪、高職、高齡囉！（好難搵男友架依D女仔！）再係咁比Excuse自己，扮哂唔緊唔要，咁咪會好快變真獨身囉，再遲D就真焗變女強人喇陰公~~~<(￣3￣)>

所以話丫，依個世界係無永遠嘅醜女，只係有懶同唔肯誠承自己嘅女仔！market依家嘢，只要你肯下功夫，對症下藥，搵出自己獨身嘅原因，咁咪唔會做果12個女仔囉~~~o(≧v≦)o