如何 ‧ 尋尋覓覓

       我地《獨不可耐》成立至今都講左唔少男女大不同嘅分析、戀愛前的自我準備、小心提防等等的脫獨攻略。或者大家都準備得7788，咁就係時候為自己嘅戀愛路出發喇！親愛的你係咪正在心諗緊：「萬時起頭難喎！我邊樹搵個人黎追呀！？」唔使驚！小妹係大廳！^^ 今集將會帶你踏上成功追男、追女的第一步——尋找並接近目標！！！！

     D人成日都話學生時代追仔追女最易，其實都係正確嘅！因為出黎做野好大機會無咁多時間追架喇~而且，以大學黎講，有咁多唔同嘅學系、班級，總有一類男仔女仔適合自己 嘅~~XD首先幫大家去搵合適目標先!

     大學嘅生活其實係非常多姿多彩~(￣▽￣)~ 班上會搞聯誼BBQ、有不同學系嘅ocamp、學會活動，嗱依D咪就係機會囉！！未有追求目標嘅你咁就要多D參與依D活動喇，一來可以玩，二來可以識多D不同嘅異性，真係一舉兩得呀~~尤其係ocamp！入camp長則3日2夜，最少都2日1夜啦，大把機會比你識男識女呀≧▽≦ 唔好話小妹唔點條明路比大家，想認識多D女仔就去語言系嘅ocamp，想識多D男仔就商學院啦！當然大o都係唔錯嘅選擇XD 係ocamp識嘅男女仔其實好容易就混熟，話題又多，re u情況都唔少，咁搵到喜歡目標嘅機會就大大提高啦~~好多情侶都係咁走出來架^^    

     如果你錯過ocamp都唔使愁！參加學會係另一個good idea！好似danso、同文會、龍舟隊等等都係好熱門嘅學會，係你熱誠爆發嘅同時又可以找尋下另一半嘅身影，多好呀~係依個時候一定要抑天大喊「青春真好!」

     若然你有做part-time嘅習慣，咁又會多一個選擇機會喇~事關你又多左個場合識人喇！辦公室最常出現咩呀？咪就係情侶囉~~眉來眼去下，眉目傳情咁就一對架啦，幾容易！如果你唔係返office工都唔驚！好似服務性行業咁，都有好橋教你吸引目標人物！好似可以透過相處，平時無野做可以吹水去了解對方，又或者搬重貨嘅時候扮下柔弱，男仔就扮下大隻，依d都係加分又可以接近一步，拉近距離！係咪好易呢~ (＠￣ー￣＠)
      
     其實求學時代好，返工時都好，甚至係上興趣班都好，擴闊生活圈子先至係王道！只要係多方面發展，個人自然開朗，識人又多左，搵目標同接近目標都容易D啦！係咪咁話先！？只要踏出左第一步，其他嘅就easy好多嚕~

我地下一集再同大家分享點樣培養關係比你升溫！記住痴實我地《獨不可耐》喇！(^_-)☆