School Date

有時候，即使你想穿個腦，都唔會明白愛情點解會錯失。

正因為唔知道愛情咩時候才來到，又唔知道要點樣先可以將愛情握在手中，結果朋友都係安慰你：「有經驗先可以追到女仔架嘛！」未曾愛過又何來經驗去愛？

為了各位無辜辜的新手可以增進經驗，版主竭力為大家開發了模擬戀愛遊戲《School Date》，好快第一章〈~戀火燃燒的季節~〉就開公開發售(笑)，今次用上了真人素材(如果你鐘意一次元既女性既話，可以唔洗再上來呢度喇！)，加上最新的高清Engine，5.1音效，為你帶來全新的遊戲感受(這是甚麼對白？)。

知唔知點解《那些年》可以咁火？係因為佢提住你：「多少愛可以重來？」然後你又回憶起那年那天遇上的那個女神。反正都倒帶，你又有冇記起第一句同女神講既對白？

無論係第一句對白，還是第一印象都非常重要。建設總比破壞容易，形象一開頭輸了就難以發圍，諗下你爛身爛勢，講野又無內涵，以後挽回形象隨時辛苦過希望工程，機會係留比有機會既人。

為免大家永遠食白果，《獨不可耐》推出戀愛體驗遊戲，可以無限重生，幫助大家積累經驗，以後咪話溝唔到女！